రెండు భిన్నధ్రువాల్లాంటి రాజకీయ నేతల మధ్య మాటలు చాలా తక్కువగా ఉంటాయి. రాజకీయాల్ని కాసేపు పక్కన పెడితే.. ఒకరికొకరు ఎదురెదురు పడినప్పుడు వారు ఎలా ఉంటారు? ఏమని పిలుచుకుంటారు? ఎలా మాట్లాడుకుంటారన్నది ఆసక్తికరంగా ఉంటుంది. ఇక.. తెలంగాణ తెలుగుదేశం పార్టీ ఫైర్ బ్రాండ్ రేవంత్.. తెలంగాణ రాష్ట్ర సర్కారులో ముఖ్యమంత్రి తర్వాత అత్యంత పవర్ ఫుల్ అయిన మంత్రి కేటీఆర్ లాంటి రెండు భిన్నధ్రువాలు ఒకచోట కలిసినప్పుడు వారి మధ్య ఎలా ఉంటుందన్నది సోమవారం అసెంబ్లీ సమావేశాల సందర్భంగా చోటు చేసుకుంది.
అసెంబ్లీ లాబీలో లిఫ్ట్ దగ్గర టీటీడీపీ నేత రేవంత్ వెయిట్ చేస్తున్నారు. అదే సమయంలో అక్కడికి మంత్రి కేటీఆర్ వచ్చారు. రేవంత్ ను చూసిన వెంటనే.. ఏం భయ్యా .. వ్యూహాత్మకంగా వెళుతున్నట్లున్నావే? అంటూ నవ్వుతూ పలుకరించారు. దీనికి ప్రతిగా రియాక్ట్ అయిన రేవంత్.. వెళ్లాలి కదా.. స్ట్రాటజీ లేకపోతే ఎలా అన్నా? అంటూ బదులిచ్చారు. దీంతో కేటీఆర్ నవ్వుతూ రేవంత్ భుజం తట్టి వెళ్లిపోయారు. రాజకీయంగా ఎన్ని తిట్లు తిట్టుకున్నా.. వాదనల సందర్భంగా ఎంతగా విభేదించుకున్నా.. ఒకచోట కలిసినప్పుడు మాత్రం రాజకీయ వైరుధ్యాలకు భిన్నంగా పలుకరించుకోవటం ఆసక్తికర అంశంగా చెప్పాలి.
No comments:
Post a Comment