రోజా జూనియర్ గురించి అలా అనడానికి కారణం ఏమిటి..?

వైకాపా నుంచి సంవత్సరం పాటు బహిష్కరణకు గురైన రోజా పిటిషన్ పై హైకోర్ట్ లో చుక్కెదురు కావడంతో సుప్రీం కోర్ట్ లో పిటిషన్ దాఖలు చేసిన సంగతి తెలిసిందే. ఆ సమయంలో రోజా సినినటుడు జూనియర్ ఎన్టీఆర్ గురించి కొన్ని ఆసక్తికరమైన వ్యాఖ్యలు చేసింది. జూనియర్ 2009లో ప్రచారం కోసం వాడుకున్నారని, జూనియర్ ప్రచారం సమయంలో అభిమానులు, కార్యకర్తలు భారీ తరలి రావడంతో.. జూనియర్ కు ఎక్కడ పేరు వస్తుందో అని చెప్పి ఎన్నికల అనంతరం ఎన్టీఆర్ ను తెలుగుదేశం పార్టీ పక్కన పెట్టిందని రోజా వ్యాఖ్యానించిన సంగతి తెలిసిందే.

రోజా ఈ వ్యాఖ్యలు చేయడం వెనుక అసలు ఉద్దేశ్యం ఏమిటి అని ఒకసారి పరిశీలిస్తే.. ఎన్టీఆర్ కు ఎంతో ఇష్టమైన వ్యక్తి కొడాలి నాని. మొదటి నుంచి నాని తెలుగుదేశం పార్టీలో ఉన్నారు. 2014 ఎన్నికలకు ముందు నాని వైకాపాలో చేరారు. గుడివాడ నియోజక వర్గం నుంచి నాని విజయం సాధించాడు. దీంతో నానికి, తెలుగుదేశం పార్టీకి మధ్య దూరం పెరుగుతూ వచ్చింది. ఇక, ఇటీవలే రోజాతో పాటు నానిని కూడా సభ నుంచి సస్పెండ్ చేసింది అసెంబ్లీ. అయితే, అటు ఎన్టీఆర్ కూడా తెలుగుదేశం పార్టీకి ఎలాగో ఎన్టీఆర్ కూడా దూరంగా ఉండటంతో.. ఎన్టీఆర్ ను తనవైపు తిప్పుకోవాలని వైకాపా చూస్తున్నదా అనే అనుమానం కలుగుతున్నది. అటు పవన్ కళ్యాణ్ తెలుగుదేశం పార్టీకి దగ్గరగా ఉండటంతో.. వైకాపాకు కూడా చరిష్మా కలిగిన నేత అవసరం కాబట్టి జూనియర్ ను తనవైపు తిప్పుకునే ప్రయత్నాలలో భాగంగానే రోజా చేత ఇలా చెప్పించి ఉంటారా అనే అనుమానం కలుగుతున్నది. ఇందులో నిజం ఎంత అన్నది మాత్రం స్పష్టంగా తెలియదు.